_banat
^

Donaire:Pacquiao kuyaw sa kanunay

Emmanuel B. Villaruel (Banat) - June 13, 2021 - 12:00am

CEBU, Philippines — Daghan kaayo ang naglantaw ni Pinoy ring legend Manny Pacquiao nga dehado batok ni IBF/WBC welterweight champion Errol Spence Jr. gumikan sa iyang pag-edaron.

Sa edad nga 42 anyos, gamay ra ang mihatag ni Pacquiao og tsansa batok ni Spence, nga manghud niya og 11 ka tuig.

Apan usa sa pipila lamang nga wala maminaw niadtong mga nagduha-duha ni Pacquiao mao ang kababayan sa senador nga si four-division world champion Nonito "The Filipino Flash" Donaire Jr.

Alang sa 38-anyos nga si Donaire, numero lamang ang edad gumikan kay siya mismo bag-ohay pang mituyok og balik sa orasan sa dihang iyang gipatikngkang ang kanhi way pildeng French champion nga si Nordine Oubaali sa ikaupat nga hugna aron sakmiton og balik sa WBC bantamweight title nga katapusan niyang na-angkon usa ka dekada na ang milabay.

Nagkanayon si Donaire nga inubanan sa ensaktong training ug ensaktong mentalidad, si Pacquiao bangis ug kuyaw sa kanunay ibabaw sa ring.

Gani si Pacquiao mipamatuod nga duna pa siya'y ikabuga taliwala sa mga pagtoo nga talisaop na iyang karera human gikukata si Keith Thurman aron langkaton ang WBA "Super" welterweight belt sa katapusan niyang away niadtong Hulyo 2019.

Mao kini ang butang nga angayang panaminan ug matngonan sa inilog nga si Spence padung sa gi-atngan nilang sangka ni Pacquiao karong Agosto 21 didto sa MGM Grand Hotel and Casino sa Las Vegas, Nevada.

MANNY PACQUIAO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with