_banat
^

Curry vs Lebron: Warriors, LA Lakers mag-abot sa play-in

Emmanuel B. Villaruel (Banat) - May 18, 2021 - 12:00am

CEBU, Philippines — Gitak-op sa defending champion Los Angeles Lakers ang ilang kampanya sa NBA regular season pinaagi sa pagposte og impresibong 110-98 nga kadaogan batok sa New Orleans Pelicans kagahapong adlawa.

Apan dili kini igo alang sa Lakers nilang LeBron James ug Anthony Davis nga makalihay sa play-in game.

Kini human ang Portland Trail Blazers milampornas sa Denver Nuggets, 132-116, aron birahon ang ikaunom nga puwesto sa Western Conference.

Ang Lakers, Blazers ug Dallas Mavericks parehong mikulit og 42-30 win-loss records apan ang Mavs maoy milugwa nga No.5 seed isip hari sa Southwest Division.

Ang Blazers, nga mipilde sa Lakers duha ka higayon sa miagi nilang tulo ka sangka, maoy mipatong isip No.6 seed ug misakmit og awtomatik nga luna sa playoffs.

Samtang ang Lakers nadakin-as ngadto sa ikapitong puwesto diin ilang sangkaon ang Golden State Warriors sa play-in karong Huybes. Ang Warriors maoy No.8 team sa West human gimakmak ang Memphis Grizzlies, 113-101, luyo sa 46 puntos ni Stephen Curry.

Sa laing bahin, ang Washington Wizards mipahagba sa Charlotte Hornets, 115-110, aron pag-angkon og luna sa play-in isip No.8 team sa Eastern Conference.

 Si Bradley Beal mipupo og 25 puntos, samtang si Russell Westbrook mirehistro sa ika-184 nga triple double sa iyang karera uban ang 23 puntos, 15 ka rebounds ug 10 ka assists alang sa Wizards, nga makigharong sunod batok sa No.7 team Boston Celtics. Ang molampos motikang sa playoffs.

LEBRON JAMES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with