Curry NBA scoring champion na sab

CEBU, Philippines — Si Golden State Warriors superstar Stephen Curry gikoronahang NBA scoring champion sa ikaduhang higayon sa mabulokon iyang karera.

Ang two-time MVP mi-iskor og 46 puntos atol sa 113-101 nga kadaogan sa Warriors batok sa Memphis Grizzlies kagahapon nga naghatud kanila sa ikawalong puwesto sa Western Conference.

Sa kinatibuk-an ning season, si Curry mi-average og 31.9 puntos matag duwa. Ang miagi niyang career-high nga 30.1 puntos matag duwa iyang nakab-ot niadtong 2015-2016 season diin siya nahimong labing unang unanimous MVP sa kasaysayan sa NBA ug ingon man misakmit sa labing una niyang scoring title.

Ang 33-anyos nga si Curry maoy labing tiguwang nga scoring champion sukad si Michael Jordan maoy nangu liga uban ang 28.7 puntos matag duwa niadtong 1997-98 season sa edad nga 35.

Si Curry nakigduyog na sab karon nilang Jordan, Wilt Chamberlain ug Kareem Abdul-Jabbar isip mao lamang mga NBA players nga nakadaog og scoring title, kampiyonayo ug MVP award sa makadaghan nga higayon.