Casey magpabiling coach sa Pistons hangtod 2024

CEBU, Philippines — Magpabiling coach sa Detroit Pistons si Dwane Casey human lugwayi ang iyang kontrata.

Mao kini ang gikompirmar sa team kagahapon.  

Si Casey mo-coach sa team hangtod sa 2023-2024 season.

"Dwane's ability to adapt and lead us through a challenging but very exciting year of growth and development has further established his place as one of the most highly respected coaches in the NBA," matud pa ni Pistons team owner Tom Gores.. "He is fully committed to the restoration of the Pistons where his competitiveness, teaching ability and developmental acumen can be seen in the growth of our young players."

Gihuman ni Casey ang iyang tulo ka season pinaagi pagbag-o sa Pistons, kinsa adunay 20-50 nga baraha, ikaduha sa labing laksot  nga rekord sa NBA.

Nangiwit ang Pistons sa Eastern Conference, apan aduna sila'y pipila ka batan-ong mga magduduwa nga kasaligan sama sa rookies nga silang Saddiq Bey ug Isaiah Stewart.