Peñalosa mitakli sa Laurente-Puton fight ngadto sa GenSan

CEBU, Philippines — Adto na sa Laurente High Camp sa General Santos City ug dili sa Manila ipahigayon ang sangka tali nilang Criztian Pitt 'Golden Boy' Laurente ug Vergil 'Strong Man' Puton.

Orihinal unta kining gitakda sa Mayo 29 didto sa Tanaw de Rizal sa Laguna, apan gibalhin kini ni promoter ug kanhi world champion Gerry 'Fearless' Peñalosa tungod sa kahadlok nga maabtan og lockdown sa Manila.

“Mahadlok ko basin ma abutan og lockdown sa Manila (I'm afraid there might be a lockdown in Manila),” matud pa ni Peñalosa.

Ang duha ka boksidor parehong nagbasi sa Mindanao. Si Laurente gikan sa General Santos City, samtang si Puton duol sa Polomolok, South Cotabato.  Gikatakda unta silang molarga paingon sa Manila karong adlawa. Apan nausab ang huna-huna ni Peñalosa tungod sa posibleng lockdown.

“Strikto sa Manila basi maabtan mi lockdown (Strictly in Manila so we can get a lockdown),” matud pa ni coach Titing Laurente.

Wa'y pilde sa unom ka away uban ang tulo ka knockouts, si Laurente  bag-o lang mihaw-as og "unanimous decision" nga kadaogan batok ni Ernesto 'Chocolate' Saulong, kinsa moharong sa walay pildeng si Carl Jammes 'Wonder Boy' Martin (17-0, 15KOs) sa Ifugao sa main event.  Si Laurente nag-ensayo sa ilang kaugalingon gym, ang Laurente High Camp sa General Santos City. Nihimo siya og sparring session sud sa walo ka hugna niadtong Lunes.

Advertising
Scroll to continue

Sa pikas bahin, ang 31-anyos nga si Puton nidaog sa bakanteng Philippine Boxing Federation (PBF) super featherweight title  batok ni Marbon Bodiongan pinaagi sa technical knockout sa ikaunom nga hugna didto sa Muntinlupa niadtong 2016.

Pabilin niyang gihuptan ang titulo human nidaog batok ni Eduardo Mancito  pinaagi sa "unanimous decision" niadtong  2017 sa Muntinlupa. Niadtong 2018, si Puton nakigbinukbukay ni Landy Cris Leon, apan ang away miresulta ngadto sa technical draw hinungdan nga nagpabilin sa iyang mga kamot ang titulo.

Show comments