_banat
^

Davis mitali og double-double sa krusyal nga daog sa Lakers

Yoyo R. Abayan (Banat) - May 11, 2021 - 12:00am

CEBU, Philippines — Wala kapugngi sa iyang opensa si Anthony Davis diin mibagnos kini og 42 puntos ug milangkat og 12 ka rebounds alang sa Los Angeles Lakers nga milansang og krusyal nga daog batok sa Phoenix Suns, 123-110 sa NBA kagahapon didto sa Staples Center sa Los Angeles, California.

Sila si Kentavious Caldwell-Pope ug Alex Caruso parehong mikandos og 17 puntos alang sa Lakers nga nidaog lang og tulo sa niagi nilang 11 ka duwa. 

Sa ikaupat ka sunod-sunod nga higayon, si LeBron James wala na sab makapakita'g aksiyon tungod sa injury (sprain right ankle). Wala sab makaduwa si Kyle Kuzma tungod nagpig-ot ang likod niini.

Si Cameron Payne miburak og 24 puntos aron pangulohan ang Suns. Si Devin Booker mitampo og 21 puntos, samtang si Mikal Bridges miambit og 15 puntos.   

Abante ang Lakers human sa unang 12 minutos sa duwa. Gibingat pa kini nila ngadto sa 23 puntos sa sayong bahin sa fourth period,

Nahulga ang Lakers dihang misikit ang Suns, 108-115 sa layu-up ni Deandre Ayton sa nahabiling 3:57 sa duwa. Apan ilang namintinar ang momentum hangtod nga si Davis mitapos sa duwa pinaagi sa iyang reverse dunk ug free throw.

ANTHONY DAVIS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with