_banat
^
VisMin Super Cup MJAS-Talisay nakabawos
Misuway og baraw si Paolo Hubalde sa MJAS Zenith-Talisay City Aquastars sa opensa ni Ping Exciminiano sa KCS Computer Specialist-Mandaue City sa Game-2 sa "best-of-three" finals series sa Visayas leg sa 2021 Chooks-to-Go Pilipinas VisMin Super Cup kagahapon didto sa Alcantara Civic Center sa Alcantara, Cebu.
VisMin Super Cup photo

VisMin Super Cup MJAS-Talisay nakabawos

Yoyo R. Abayan (Banat) - May 10, 2021 - 12:00am

CEBU, Philippines — Gusto pa ang MJAS Zenith-Talisay City Aquastars nga adunay Game-3 dihang mibawos kini  ngadto sa KCS Computer Specialist-Mandaue City , 63-56 aron magpabiling buhi alang sa makasaysayanong korona sa Visayas leg sa 2021 Chooks-to-Go Pilipinas VisMin Super Cup niadtong Sabado sa gabii didto sa Alcantara Civic Center sa Alcantara, Cebu.

Parehong nagbitbit og 1-1 nga baraha, ang MJAS-Talisay ug  KCS-Mandaue magtiwas sa tagakay nga Game-3 nga gikumbatihan pa sa pagsuwat ning balita kagahapon.

Pinaagi sa sunod-sunod nga baskets nilang Bernie Bregondo ug  Ping Exciminiano, ang KCS-Mandaue miposte og 4-2 nga bentaha sa nahabiling 6:34 sa first period, apan sukad niadto mikagar ang ilang mga tira ug wala na makaiskor sa nahabiling mga oras sa unang kuwarter. Gipahimuslan sa MJAS-Talisay ang kahigayonan uban ni Patrick Cabahug ug Shane Menina nga mipatuasik og singko puntos matag usa sa ilang 13-0 run nga naghatag sa Aquastars og 11 puntos nga labaw, 15-4 human sa unang 10 minutos sa duwa.

Alisto hinuon nga nakahimo og kausaban sa duwa ang KCS-Mandaue ug nangahas gihapon kini sa pakigsangka sa ikaduhang kuwarter ug tuod man nakan-an ang labaw ngadto na lang sa usa ka lugas, 23-24 sa 3-point play ni Exciminiano nga mitapos sa first half.

Ang duha kampo nagsinukliay og mga puntos sa third period ug nagpuli-puli'g ilog sa labaw hangtod nga nagtabla, 41-all nga igo gyud nahuman ang maong kuwarter.

Gisugdan sa KCS-Mandaue ang fourth quarter pinaagi sa 7-0 run, apan sila si Jhaymo Eguilos, season MVP Jaymar Gimpayan ug Egie Boy Mojica mikonektar og walo ka sunod-sunod nga puntos aron mailog ang labaw, 50-48 sa nahabiling siyete minutos sa duwa.

Human si Monica Soliva sa KCS-Mandaue mitabla sa duwa sa ikawalo ug katapusang higayon, 50-all, si Eguilos mipasud og sa ka free throws, dayon si Menina mipasud og hagtik nga tres ug si team captain Paulo Hubalde mitimang og tres puntos aron sa pagpa-abante sa MJAS-Zenith ngadto sa 57-50 sa nahabiling kuwatro minutos sa duwa.

Misikit sa katapusang higayon ang KCS-Mandaue sa iskor nga 56-59, apan didto sa kutob ang ilang maayong salida kay si Hubalde kalma kaayong mipasud sa iyang duha ka free throws sa wala pa si Menina makakawat og bola ug dayong lusot nga maoy nagselyo sa daog.   Ang mythical five guard sa CESAFI nga si Shane Menina, maoy nangu sa MJAS-Talisay nga mipugnit og 15 puntos uban ang lima ka rebounds ug lima sab ka assists, samtang si Paulo Hubalde nga mas agresibo sa opensiba fourth period, mitampo og 11 puntos, unom ka rebounds, upat ka assists ug duha ka steals.

Si Gimpayan miamot og otso puntos ug mihimo'g walo ka rebounds ug tulo ka steals sa MJAS-Talisay.

Ang KCS-Mandaue gipangulohan sab ni Ping Exciminiano pinaagi sa iyang 14 puntos ug walo ka rebounds, samtang sila si Rhaffy Octobre ug Gryann Mendoza mitimbre'g 11 puntos matag usa. Si Shaquille Imperial nga maoy bayani sa Game-1, nalimitahan lang ngadto sa kuwatro puntos.

VISMIN SUPER CUP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with