_banat
^

Fil-Japanese karateka nidaog bulawang medalya sa Portugal

Yoyo R. Abayan (Banat) - May 8, 2021 - 12:00am

CEBU, Philippines — Ang Filipino karateka nga si Junna Tsukii midaog og bulawang medalya sa female -50kg category sa Karate Premier League didto sa Altice Arena sa Lisbon, Portugal dili pa lang dugay.

Si Tsukii, kansang amahan usa ka Hapon, mipukan ni Kazahk Moldir Zhangbyrbay sa final sa maong event, 2-0 ug aron sab pagbulsa sa 750 euro nga ganti o kapin sa P43,000.

"I would like to thank everyone who supported me to this point, this medal for you" matud ni Tsukii, ang 2018 Asian Games bronze medalist.

Ang 29-anyos nga si Tsukii walay pilde sa lima ka mga away sa maong kompetisyon,  miiskor siya og 10-2 nga daog batok ni  Columbian Daniela Gallego, 2-1 nga kadaogan batok sa Iranian nga si Sara Bahmanyar ug 1-1 nga daog  batok ni Radwa Sayed sa Egypt sa first round.

Dayon iyang gipilde ang two-time World champion Alexandra Recchia sa France sa semifinals, 2-0.

Si Tsukii, ang 2019 Southeast Games gold medalist, usa sa Filipino karate Olympic hopefuls.

Malaumon siya nga makaduwa sa Tokyo Olympics sa Olympic Qualifying Tournament didto sa Paris, France nga gikatakda sa Hunyo 11-13 uban sa iyang Pinoy nga teammates nga silang Jamie Lim, Joane Orbon, Alwyn Batican , Sharif Afif ug Jason Macaalay.

Ang top three sa matag kategoriya sa torneyo mo-qualify sa Olympics karong Hulyo.

KARATE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with