_banat
^

Embiid mirakrak 34 puntos, 76ers mipahagsa sa Rockets

Yoyo R. Abayan (Banat) - May 7, 2021 - 12:00am

CEBU, Philippines — Gibingat sa Philadelphia 76ers ang wa'y putol nilang daog ngadto sa unom human ilang gipahagsa ang Houston Rockets sa kaugalingon niining nataran, 135-115 sa NBA kagahapon.

Kuyaw kaayong nakaduwa si Joel Embiid diin mirakrak kini og 34 puntos sud lang sa 25 minutos.

Bisan mirehistro og double figures nga labaw, ang Eastern Conference leader nga Sixers mipaduwa gihapon sa ilang starters sa fourth quarter aron pabiling mahuptan ang labing taas nga aktibong sunod-sunod nga daog. Ang Rockets nga nagkupot sa labing bati nga rekord sa NBA sa ilang 16-50, napilde sa ikatulong higayon ug ikawalo sa siyam ka mga duwa.

Gipilde sab sa Sixers ang Rockets sa una nilang sangka karon nga season aron pagdaog sa season series sa unang higayon sukad niadtong 2010-2011.

Ang Rockets mipabuto og 7-2 nga bomba uban ang usa ka tres gikan ni Kelly Olynyk aron makibhangan ang labaw ngadto sa 12 puntos sa katapusang sayes minutos sa ikatulong kuwarter. Apan ang Sixers mibawos pinaagi sa 9-2 run nga gigahuman sa sayes puntos gikan ni Embiid aron bingaton ang labaw, 97-78 sa nahabiling 3:30 sa maong kuwarter.  Si Embiid milangkat sab og 12 ka rebounds ug kaduha lang nasipyat sa iyang 16 ka free throws.

Mikadlit og 27 puntos si Olynyk, samtang ang rookie nga si KJ Martin mihimo'g career-high 23 puntos uban ang 10 ka rebounds ug unom ka assists alang sa Rockets.

HOUSTON ROCKETS NBA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with