Irving gipamulta'g $35,000, wala pa-interbiyu sa media

CEBU, Philippines — Ang National Basketball Association misagpa ni Kyrie Irving og $35,000 nga multa kagahapon gumikan kay nakalapas na sab kini sa lagda sa media access pinaagi sa pagdumlli og tambong sa news conferences ug paghatag og mga pakighisgot.

Ikaduha kini higayon nga nabuhat ni Irving, kinsa unang gipamulta og $25,000 sayo niini nga season sa pagbalidad niya og pamulong ngadto sa mga tigbalita atol sa pre-season.

Nadamay sab ang Nets organization nga gipamulta og $35,000.

Si Irving nibalibad sa hangyo sa pakigsulti ngadto reporters human sa 124-118 nga kapildihan sa Nets ngadto sa Milwaukee Bucks niadtong Miyerkules.