_banat
^

Mandaue batok Talisay sa VisMin Cup Visayas leg finals

Yoyo R. Abayan (Banat) - May 7, 2021 - 12:00am

CEBU, Philippines — Mibawos ang KCS Computer Specialist-Mandaue City ngadto sa ARQ Builders Lapu-Lapu City Heroes, 74-64 sa ilang "do-or-die" semifinals sa 2021 Chooks-to-Go Pilipinas VisMin Super Cup niadtong Miyurkules sa gabii didto sa Alcantara Civic Center sa Alcantara, Cebu. Sa maong daog, ang KCS-Mandaue maoy nakakuha og katungod sa pakigsangka sa walay pildeng MJAS Zenith-Talisay City Aquastars sa "best-of-three" Visayas leg finals.

Human naleksiyon sa batok sa ARQ Lapu-Lapu niadtong Martes, ang KCS-Mandaue mipakita sa intelihente nilang duwa ubos sa liderato ni Gryann Mendoza nga mipabuhagay og 25 puntos. Milangkat sab siya og walo ka rebounds. Mihimo sab siya og pipila ka krusyal nga mga duwa nga nakapakgang sa ARQ Lapu-Lapu nga misuway og bangon gikan sa 15 puntos nga pagkalubong sa finall quarter, 60-45. Si Reed Juntilla mibagnos og 13 puntos, si Tangkay mitimang og 12 puntos, samtang si Dawn Ochea mitimbre'g 11 puntos sa napildeng Heroes.

Ang Game-1 sa "best-of-three" finals series sugdan karong alas-7 sa gabii, samtang ang Game-2 karong Sabado. Kon gikinahanglan, ang Game-3 himuon karong Domingo.

VISMIN CUP
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with