_banat
^

Suns miilog balik sa No. 1 seed sa West

Yoyo R. Abayan (Banat) - May 6, 2021 - 12:00am

CEBU, Philippines — Mitala sa ilang ikalimang sunod-sunod nga daog ang Phoenix Suns pinaagi sa paglubong sa Cleveland Cavaliers, 134-118 sa nagpadayong aksiyon sa National Basketball Association kagahapon didto sa Quicken Loans Arena sa Cleveland, Ohio.

Si Devin Booker mipaarak og 31 puntos, samtang si Chris Paul miburak og 23 puntos ug 16 ka assists sa Suns nga mitala sa unang 15 puntos sa overtime aron mailog og balik ang No. 1 seed sa Western Conference nga kanhi gihuptan sa Utah Jazz.

Ang Suns nga adunay 47-18 win-loss record nagtabla uban sa Jazz alang sa labing nindot nga rekord sa Western Conference.

Si Mikal Bridges mipasud og duha ka 3-pointers pagsugod sa overtime ug ang Suns mi-outscored sa Cavs 20-4 sa dugang singko minutos.

Ang rookie sa Cavs nga si rookie Isaac Okoro mirehistro og season-high 32 puntos ug si Collin Sexton 29 puntos sa Cavaliers nga nasugamak sa ikapitong sunod-sunod nga higayon.

Sa laing pang mga duwa, ang Charlotte Hornets mipukan sa Detroit Pistons, 102-99, midaog abg Milwaukee Bucks batok sa Brooklyn Nets, 124-118, ang New Orleans Pelicans mibuntog sa Golden State Warriors, 108-103.

Ang Sacramento Kings mipahilom sa Oklahoma City Thunder, 103-99 ug ang Los Angeles Clippers midaog batok sa Toronto Raptors, 105-100.

PHOENIX SUNS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with