GAB mopakanaog desisyon kabahin sa VisMin Cup Mindanao leg
CEBU, Philippines — Mahibaw-an na unya sa Lunes ang desisyon sa Games ang Amusements Board (GAB) kon itugot na ba ang pagpahigayon sa Mindanao leg sa Pilipinas VisMin Super Cup. Si GAB chairman Bamah Mitra miingon nga hapit na makompleto ang ilang assessment kon puwede na bang mapahigayon ang Mindanao leg sa liga nga planong sugdan ning bulana.
“Final assessment meeting and decision to be reached Monday after they conclude their conference on May 8,” matud pa ni Mitra.
Ang GAB misuspenso sa Mindanao leg human sa nahitabong kontrobesiya nga duwa tali sa Siquijor Mystics ug ARQ Builders Lapu-Lapu City Heroes niadtong Abril 14.
Miresulta kini sa mga alegasyon nga dunay game-fixing nga nahitabo sa maong duwa. Isip silot, ang mga sakop sa Siquijor team gi-banned for life sa liga human sa kataw-anan nga duwa.
- Latest