^

Raptors mitabastabas sa Nets

Yoyo R. Abayan (Banat) - April 23, 2021 - 12:00am

CEBU, Philippines — Nagsalig ang Toronto Raptors sa ilang mainitong rally sa third period aron laksion ang Brooklyn Nets, 114-103 sa ilang duwa sa NBA kagahapon didto sa Tampa, Florida.

Si Pascal Siakam mipaksit og 27 puntos ug milangkat og siyam ka rebounds, samtang si OG Anunoby milabni og 25 puntos sa Raptors nga miinat  sa ilang nagkadinang daog ngadto sa upat ka duwa. Si Kyrie Irving adunay 28 puntos, 11 ka rebounds ug walo ka assists sa Nets ug si Bruce Brown mitampo og 21 puntos ug 14 ka rebounds.

Mitusak og usa ka tres si Jeff Green ug gisundan og duha ni Irving sa katapusang minutos sa first quarter nga naghatag sa Nets og 13 puntos nga bentaha  ug maoy ilang labing dako nga labaw nga natala.

Ang Raptors mipahaguros og mga puntos sa unang otso minutos sa second half, diin mipasud sila og pito sa ilang unang siyam ka 3-point shots ug ilang na-outscored ang Nets, 34-14 aron moposte og 90-72 nga labaw.

Didto sa Philadelphia, si Chris Paul mkadlit og 28 puntos, si Devin Booker adunay 19 puntos ug si Mikal Bridges mihipos og 18 puntos aron pangulohan ang Phoenix Suns pagpakaging sa Philadelphia Sixers, 116-113.

Gipangulohan ni Joel Embiid ang Sixers pinaagi sa pagrehistro og 38 puntos, 17 ka rebounds ug upat ka assists.

Bisan pa sa ilang kapildihan, ang Sixers mao ang nag-una sa Eastern Conference standing uban ang 39-19 win-loss record.

Sa uban pang mga resulta, ang Utah Jazz milubong sa Houston Rockets, 112-89, gilubong sab sa Miami Heat ang San Antonio Spurs, 107-87, ang Denver Nuggets nakaipsot sa Portland TrailBlazers, 106-105 ug ang Sacramento Kings mipukan sa Minnesota Timberwolves sa iskor nga 128-125.

NBA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with