Davis gipaabot moduwa karon batok Mavs
CEBU, Philippines — Human sa duha ka bulan nga wala makapakita'g aksiyon, ang star forward sa Los Angeles Lakers nga si Anthony Davis andam na nga moduwa og balik sa NBA.
Si Davis gipaabot moduwa karong adlawa human nakarekober gikan sa right calf strain ug tendinosis.
Ang eight-time All-Star nga si Davis, kinsa nakig-alayon ni LeBron James aron pangulohan ang Lakers ngadto sa NBA title sa miaging bubble season, ni-average og 22.5 points, 8.4 rebounds ug 1.8 blocks sa 23 ka mga duwa niini nga season sa wala pa siya gipadaplin niadtong Pebrero.
Ang Lakers (35-23) nakamaneho pagpabilin sa ikalima nga dapit sa Western Conference standings bisan niduwa nga wala si Davis sud sa siyam ka semana ug 7-9 sukad sila si Davis ug James wala moduwa tungod sa ilang injury.
Sa iyang pagbalik, si Davis paduwaon lang sud sa 15 minutos batok sa Dallas Mavericks karong adlawa didto sa American Airlines Center sa Dallas, Texas.
- Latest