^

Mga minugbong balita

Yoyo R. Abayan (Banat) - April 20, 2021 - 12:00am

Durant injured na sab

CEBU, Philippines — Napugos si Kevin Durant pagbiya sa duwa sa Brooklyn Nets sa ilang pagpanulong sa Miami Heat sa NBA kagahapon.

Si Durant nibiya sa sayong bahin sa first quarter tungod sa bun-og sa wala paa niini.

Nigawas si Durant sa nahabiling 7:57 sa unang kuwarter. Siya sab ang miiskor sa unang otso puntos sa duwa sa wala pa siya migawas sa korte.

Spurs gipamulta'g $25k

Ang NBA misagpa sa San Antonio Spurs og  $25K (P1.2 million) nga multa tungod sa wala pagpaduwa sa ilang himsog nga magduduwa nga kalapasan sa lagda sa liga.

Bisan og walay gipamati, gipalingkod ni Spurs head coach Gregg Popovich silang DeMar DeRozan, Patty Mills ug Jakob Poeltl atol sa ilang 111-85 nga kadaogan batok sa Phoenix Suns niadtong Domingo.

Hidilyn Diaz opisyal na nga mi-qualify sa Tokyo Olympics

Ang Pinay'ng weightlifter nga si Hidilyn Diaz mopakita'g aksiyon sa ikaupat nga higayon sa Tokyo Olympics ug  suwayan pagtuman ang iyang damgo nga hatagan ang Pilipinas og unang bulawang medalya sa labing dako nga kalhukan sa paugnat sa kusog nga kausa lang himuon sa upat ka tuig.

Ang Tokyo Olympics nga gitakda unta sa miaging tuig, apan gisibog tungod sa Covid-19 pandemic, himuon karong Hulyo 23 hangtod sa Agosto 8. Si Diaz, 30-anyos, opisyal na nga mi-qualify human sa iyang partisipasyon sa women's 55kg event sa Asian Weightlifting Championships didto sa Tashkent, Uzbekistan niadtong Domingo.

Mitapos siya sa ikaupat nga dapit human mialsa og kinatibuk-ang 212 kg. Sila si Qiuyun Liao (222 kg) ug Yajun Li (221 kg) sa China maoy midaog sa gold ug silver medals, samtang si Muattar Nabieva ( 213 kg) sa Uzbekistan ang miangkon sa bronze.

Gawas nga nahimong unang Filipina weightlifter nga niduwa sud sa tulo ka sunod-sunod nga Olympics, si Diaz nahimo sab isip labing unang atleta sa nasud nga nidaog og medalya sa Olympics.

Lumad gikan sa Zamboanga City, Mindanao, si Diaz unang niapil sa quadrennial event  niadtong 2008 didto sa  Beijing. Nidaog siya og silver medal sa 2016 games didto sa Rio de Janeiro.

Si Diaz maoy ikapitong Filipino athlete nga nakakuha og luna sa Tokyo Olympics uban nilang pole vaulter EJ Obiena, gymnast Carlos Yulo ug boxers Eumir Marcial, Irish Magno, Nesthy Petecio, and Carlo Paalam.

BROOKLYN NETS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with