^

ROS team owner naguol pagkasuspenso ni Tangkay

Yoyo R. Abayan (Banat) - April 17, 2021 - 12:00am

CEBU, Philippines — Apil si Rain or Shine Elasto Painters team owner Raymund Yu ug kanhi coach Leo Austria sa nahigawad sa paagi sa duha ka mga koponan sa ilang duwa sa 2021 Chooks-to-Go Pilipinas VisMin Super Cup niadtong Miyerkules ilabi na nga naapil ang ilang kanhi star player.

Wala makauyon sila si Yu ug Austria sa gipakitang duwa sa players sa duha ka mga koponan, lakip na ang beteranong si Jojo Tangkay, kinsa nidaog og titulo ug MVP award uban sa Welcoat team sa Philippine Basketball League (PBL).

Usa si Tangkay sa unom ka mga magduduwa sa ARQ Builders Lapu-Lapu City Heroes nga gipahamtangan og multa ug suspensiyon niadtong Huwebes sa liga sa wala matiwas nilang duwa batok sa Siquijor Mystics didto sa Alcantara Civic Center sa habagatan-kasadpana Sugbo.

Gihunong ang duwa kay matud pa gumikan sa power interruption, apan nag-viral sa social media ang pipila ka mga kuwestiyonabli nga mga duwa, lakip na ang libre kaayo nga lay-up ug air-balled free throws.

Ang 44-anyos nga si Tangkay, gipamulta og P15,000 ug suspensiyon sa tibuok first round sa torneyo.

Si Tangkay nga produkto sa Southwestern University (SWU) Cobras ug kanhi MVP sa Cebu Amateur Athletic Association (CAAA) nga karon Cebu Schools Athletic Foundation, Inc. (CESAFI), maoy second round pick sa Sta. Lucia Realtors sa 2001 draft ug no. 16 overall.

Si Tangkay nga lumad gikan sa Aloguinsan, Cebu nakapakita sab og aksiyon uban sa Talk 'N Text, apan igo lang siya nakaduwa og 14 ka higayon.

RAIN OR SHINE ELASTO PAINTERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with