Ancajas motabang sa preparasyon ni Marcial sa Tokyo Olympics
CEBU, Philippines — Turno na sab ni Jerwin Ancajas aron motabang sa iyang kababayan nga si Eumir Marcial.
Plano ni International Boxing Federation (IBF) super flyweight champion nga magpabilin sa Estados Unidos uban sa trainer niining si Joven Jimenez ug motabang sa preparasyon ni Marcial sa kampanya niini sa umaabot nga Tokyo Olympics.
Ang garbo sa Panabo, Davao de Norte nga si Ancajas mapasalamaton ngadto ni Marcial sa pagtabang atol sa iyang malampusong pagdepensa sa IBF super flyweight title niadtong Domingo batok ni Mexican challenger Jonathan Javier Rodriguez didto sa Mohegan Sun Arena sa Uncasville, Connecticut.
Nidaog si Ancajas pinaagi sa "unanimous decision" aron pagdepensa sa iyang bakus sa ikasiyam nga higayon. Gusto sa 29-anyos nga baslan ug ibalik ang matimbayahon ngadto ni Marcial.
“Sa ngayon gusto muna naming tulungan si Eumir sa kanyang preparation sa Olympics,” matud pa ni Ancajas, kinsa nahilayo sa pamilya sud na sa pito ka bulan. Si Ancajas ug iyang kaubanan, uban sa walay pildeng Filipino featherweight nga si Mark Magsayo mipatighug sa New York gikan sa Connecticut alang sa usa ka courtesy call didto sa Philippine Consulate.
- Latest