Embiid miposa'g 36 puntos kadaogan sa Sixers batok Mavs
CEBU, Philippines — Ang Philadelphia Sixers ubos sa pagpangulo ni Joel Embiid mipilde sa Dallas Mavericks, 113-95 sa nagpadayong aksiyon sa National Basketball Association kagahapon didto sa American Airlines Center sa Dallas, Texas.
Si Embiid mipasud sa iyang tanang unom ka free throws sa unang kapin kuwatro minutos sa duwa sa Sixers nga nagsolo na sa liderato sa Eastern Conference standing bitbit ang 37-17 nga baraha. Sa kinatibuk-an si Embiid mikolekta og 36 puntos.
Mipaksit og 32 puntos si Luka Doncic, apan ang batan-ong Dallas star wala makakuha og igong suporta gikan ni Kristaps Porzingis.
Si Furkan Korkmaz miposa og upat sa pito ka 3-point range alang sa Sixers ug natabla ang iyang season-high nga 20 puntos. Si Tobias Harris mihipos og 10 puntos ug si Ben Simmons adunay otso puntos, unom ka rebounds ug pito ka assists sa maong kadaogan.
- Latest
