^
Bulls misungay sa Raptors

Bulls misungay sa Raptors

Yoyo R. Abayan (Banat) - April 10, 2021 - 12:00am

CEBU, Philippines — Miungad og maayo ang Chicago Bulls nga midaro sa ilang ikatulong sunod-sunod nga daog dihang gisungay ang Toronto Raptors, 122-113 sa nagpadayong aksiyon sa National Basketball Association kagahapon didto sa Tampa, Fla.

Gipangulohan Bulls nilang Nikola Vucevic ug Zach Levine nga parehong miugkat og 22 puntos.

Si LaVine mihimo sab og 15 ka assists ug si Lauri Markkanen miamot og 18 puntos sa 18 minutos niyang pagduwa sa korte.

Ang Raptors gipangulohan sab ni Chris Boucher  nga mirehistro og  career-high 38 puntos ug adunay 19 ka rebounds. Ang Raptors  napilde na og 15 ka higayon sa katapusan nilang 18 ka duwa.

Si Pascal Siakam  mitampo'g 27 puntos ug walo ka rebounds saToronto.

Sila si LaVine ug Vucevic nagkumbinar og 15 puntos sa 19-3 run  nga naghatag sa Bulls og 10 puntos nga labaw.

Didto sa Salt Lake City, ang Utah Jazz mipatuman sa ilang solidong depensa sa second half aron inaton ang ilang sunod-sunod nga daog sa ilang korte nga usa ka rekord sa prangkisa.

Si Donovan Mitchell mitapoy og 37 puntos aron pangulohan ang Jazz  ngadto sa ilang 23 ka sagunsong daog sa ilang balwarte human gipilde ang Portland TrailBlazers sa iskor nga 122-103 sa Vivint Arena sa Utah.

Si Rudy Gobert mitimang og 18 puntos ug 21 ka rebounds, samtang si Joe Ingles mitikdol og 13 puntos ug unom ka assists sa maong daog.

Mikadlit og 23 puntos si Damian Lillard ug si C.J. McCollum mitampo'g 19  puntos aron pangulohan ang TrailBlazers nga napilde sa ikatulong higayon sa upat ka mga duwa.   

Sa lain pang mga duwa, ang Cleveland Cavaliers walay puangod nga milubong sa Oklahoma City Thunder, 129-102, gilubong sab sa Dallas Mavericks ang Milwaukee Bucks, 116-101, ang Los Angeles Clippers mibuntog sa kainit sa Phoenix Suns, 113-103 ug ang Detroit Pistons mipaluhod sa Sacramento Kings sa iskor nga 113-101.

CHICAGO BULLS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with