^

Butler mikadlit og 28 puntos sa kadaogan sa Heat batok Lakers

Yoyo R. Abayan (Banat) - April 10, 2021 - 12:00am

CEBU, Philippines — Miduslit og 28 puntos si Jimmy Butler ug nangu sa unom ka players sa Miami Heat nga mikadlit og double figures aron pagpukan sa nagtakilid nga Los Angeles Lakers, 110-104 sa duwa sa NBA kagahapon didto sa Miami. Si Victor Oladipo midagkot og 18 puntos ug Tyler Herro mihaling og 15 puntos sa Heat nga nakarekober gikan sa ilang 12 puntos nga kapildihan sa kaugalingon nilang korte batok sa Memphis Grizzlies niadtong Miyerkules.

Lain pang midagkot og double figures mao si Bam Adebayo nga mikolekta og 13 puntos, Robinson Duncan nga mihakot og 11puntos si Goran Dragic nga adunay 10 puntos.

Unom sab ka players sa Lakers ang mirehistro og double digits sa pagpangulo ni Kentavious Caldwell-Pope nga mikandos og 28 puntos, apil ang unom ka 3-pointers.

Ang bag-ong nakuha nga si Andre Drummond nga napalta og upat ka duwa miamot og 15 puntos sa iyang pagbalik og duwa. Lain pang miiskor og double figures mao silang Wesley Matthews nga miambit og 14 puntos, Markieff Morris nga mtikdol og 12 puntos, samtang sila si Dennis Schroder ug Montrezl Harrel nagtampohay og 10 puntos sa napildeng Lakers.

Ang Heat milusad og 9-2 run sa fourth period ug miposte og 104-94 nga bentaha sa nahabiling 2:14 kortesiya sa duha ka technical free throws ni Butler.

Napahakan sa Lakers ang labaw ngadto na lang sa 106-100 sa 3-pointer ni  Caldwell-Pope sa nahibiling 29 segundos, apan si Butler miposa og upat ka free throws sa mosunod nga duha ka posisyon aron pagselyo sa daog.

Ang Lakers padayong niduwa nga wala silang LeBron James ug Anthony Davis. Si James wala makaduwa sud sa 10 ka sunod-sunod nga higayon tungod sa sprained ankle, samtang si Davis  taud-taud na sab nga wala makaduwa tungod sa calf strain.

JIMMY BUTLER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with