Warriors subling moabi-abi sa ilang fans sugod sa Abril 23
CEBU, Philippines — Moabi-abi og balik ang Golden State Warriors sa mga dumadapig sa ilang katapusang siyam ka mga duwa didto sa kaugalingon nilang balwarte sa regular season sugod sa Abril 23 batok sa bisitang Denver Nuggets. Pero ang 18,000 seating capacity sa Chase Center arena pasudlan lang og 35 porsiyento nga kapasidad segun sa mando sa California State Department of Public Health.
Kinahanglan ang mga fans mopakita og pruyba nga nabakunahan o negatibo sa Covid-19 test nga gikuha sud sa 48 oras sa usa ka duwa ug kinahanglan nga mosul-ob og face mask sa tanang higayon. "Additionally, fans who can provide proof of vaccination do not need to produce a negative COVID-19 test, unless they are seated within 30 feet of the court," sumala pa sa Warriors. Ang Warriors nga nahimutang sa ika-10 sa Western Conference standings, mahimo pa nga motaak sa playoffs pinaagi sa play-in tournament kon motapos sila isip no. 10.
- Latest