^

Vismin Super Cup buksan na karon

Yoyo R. Abayan (Banat) - April 9, 2021 - 12:00am

CEBU, Philippines — Kasaysayan ang mahitabo sa Harang Dakbayan sa habagatang Sugbo dihang ang labing unang season sa Pilipinas VisMin Super Cup nga naglangkob sa kanhi collegiate stars, commercial veterans ug ex-PBA cagers latas sa kapupud-an, pormal nang buksan karong adlawa didto sa Alcantara Civic Center sa lungsod sa Alcantara, habagatan-sidlakan sa Sugbo.

Pito ka teams ang mopakita'g aksiyon sa Visayas leg sa labing unang propesyonal nga liga sa basketbol nga nagbasi sa habagatang mga probinsiya sa nasud nga ipahigayon ubos sa esktriktong patakaran sa panglawas ug kaluwasan.

Ang mga koponan nga magtigi alang sa korona mao ang  MJAS Zenith-Talisay City Aquastars, ARQ Builders/Lapu-Lapu City Heroes, KCS-Mandaue City Computer Specialists, Tabogon-Cebu Voyagers, Tubigon-Bohol Mariners, Dumaguete Warriors ug Siquijor Mystics.     Sa dili pa ang duwa, usa ka simpol apan makahuloganon nga seremonyas sa pagbukas ang himuon sugod sa alas-3 sa hapon.

Gipaabot motambong sa mahinungdanon nga kalihukan mao sila si Cebu Governor Gwendolyn 'Gwen' Garcia ug Alcantara Mayor Fritz Lastimoso ug uban pang inila nga mga dinapit.  "Overall we're very excited. We're relieved that governor Gwen Garcia has given her go signal for the Super Cup. She is proud and happy that a very historic basketball tournament will take place here in the province of Cebu. She has been very supportive of our league and hopefully we will have her (in the opening),"  matud pa ni league Chief Operating Officer Rocky Chan.

"As for our opening, we have a pre-recorded show para naman matuwa yung mga players at iba pang manonood," sumala pa niya.       "We will also be having the traditional parade of teams but only two to three representatives per team to observe maximum social distancing."

Giklaro ni Chan nga ang pagtukod sa Super Cup wala magpasabot nga nakigkompetensiya sila sa ubang mga liga. Ilang tumong ug tuyo mao ang pagkaplag og potensiyal nga mga talento sa mga probinsiya, paghatag og kapanginabuhian niadtong pipila nga nagsandig sa duwa basketbol ilabi na ning panahon sa kalisdanan. Sa laing bahin, ang Talisay Aquastars moharong sa Tubigon-Bohol Mariners sa labing unang duwa sa Super Cup nga gitakda sa alas-4 sa hapon.  Human sa disinfiction sa binyu, isunod dayon ang duwa tali sa Mandaue Computer Specialists ug Siquijor Mystics sa main game sa alas-7 sa gabii.

Ang mga duwa himuon kada adlaw, apan ang mga magduduwa adunay duha ka adlaw nga pahuway matag semana sa Abril 11-12, 18-19 ug 25-26. Ang pito ka mga koponan moduwa og double round robin sa eliminasyon diin ang top two teams makaangkon og awtomatik nga luna sa semifinals ug magpaabot  sa mga modaog sa knockout playoffs tali sa teams No. 3 batok No. 6 ug No. 4 batok No. 5 sa Mayo 1.

Ang best-of-three' finals series gikatakda sa Mayo 6.

Human sa Visayas leg, turno na sab sa Dipolog City nga mo-host sa Mindanao bubble uban ang walo ka partisipanteng mga koponan nga mao ang Basilan Peace Riders, Cagayan de Oro Rafters, Ozamiz City Cotta, Pagadian Explorers, Roxas Vanguards, Sindangan Saints, Zamboanga City Los Valientes ug Tawi-Tawi.

VISMIN SUPER CUP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with