Marcial bansayon sa Filipino coach didto sa Amerika
CEBU, Philippines — Matuman na unya ang pangandoy ni Tokyo-bound boxer Eumir Felix Marcial gumikan kay ang Association of Boxing Alliances in the Philippines (ABAP) mopadala'g usa ka Filipino coach aron motabang sa iyang preparasyon sa Olympics sa Los Angeles, California.
Apan ang 2019 world championship silver medalist ug Southeast Asian Games (SEAG) gold medalist maghuwat pa og pipila ka semana kay gihikay pa ang visa.
"We already prepared to send one of our coaches there but the one we are sending has an expired visa," matud pa ni ABAP secretary-general Ed Picson, kinsa nagdumili pagbutyag sa ngan sa coach nga ilang ipadala ngadto sa Estados Unidos atol sa online Philippine Sportswriters Association (PSA) forum niadtong Martes.
"It didn't help that the one we're sending to Eumir also lost his old visa, which prolonged the process even more," dugang pa niya.
Samtang niuyon ang ABAP sa hangyo ni Marcial, si Picson miingon nga dili sila magpakawala sa paglaum nga matuis ang huna-huna ni Marcial ug moduyog sa laing Olympic qualifiers nga silang Irish Magno, Nesthy Petacio ug Carlo Paalam sa ilang training camp didto sa Thailand.
- Latest
