^
Embiid bangis nga nibalik

Embiid bangis nga nibalik

Yoyo R. Abayan (Banat) - April 8, 2021 - 12:00am

CEBU, Philippines — Bangis nga nibalik si Joel Embiid  sa Philadelphia 76ers ug mipabuhagay dayon 35 puntos ug milangkat og unom ka rebounds alang sa ilang 106-96 nga kadaogan batok sa host Boston Celtics sa nagkainit nga aksiyon sa NBA kagahapon didto sa TD Garden sa Boston, Massachusetts.

Si Danny Green mitampo og 17 puntos sa Sixers nga miposte sa ilang ikatulong sunod-sunod nga daog batok sa Celtics aron pagsilhig sa season series.

Bokya si Jayson Tatum sa unang kuwarter, apan mihipos kini og 20 puntos, upat ka rebounds ug upat sab ka assists aron pangulohan pilderong Celtics, samtang si Jaylen Brown miamot og 17 puntos.

Ang 7ers nidaog sa mga duwa duwa sukad  nibalik si Embiid human napalta og 10 ka duwa samtang nagpaalim sa injury sa iyang walang tuhod.

Si Embiid mipasud og 16 sa 20 ka free throws sa Sixers nga nagmangtas pagsugod sa duwa aron moposte og 12 puntos human sa first quarter.

Didto sa Tampa, Fla., ang Los Angeles Lakers mipabaha og 18 ka 3-pointers, apil ang pito sa ilang unang walo ka itsa sa ilang 110-101 nga kadaogan batok sa Toronto Raptors.

Ang Lakers mitukod og 34 puntos nga labaw sa unang 20 minutos ug wala na mahulga sa katapusang duha ka kuwarter.

Si Talen Horton-Tucker ang nangu sa pito ka Lakers nga mikandos og double figures pinaagi sa iyang 17 puntos.  Si Markieff Morris  miamot og 15 puntos sa wala pa mibiya sa duwa tungod iyang lima ka fouls sa third period ug si  Marc Gasol mitampo'g 13 points ug siyam ka rebounds.

Ang Raptors gipangulohan ni Pascal Siakam nga miburak og 27 puntos, apil na ang 17 sa fourth quarter.

Si Montrezl Harrell sa Lakers ug  OG Anunoby sa Raptors ang na-ejected sa nahabiling 2:24 sa first quarter human gi-foul ni  Dennis Schroder si Anunoby nga msuway og lusot.. Pipila ka mga magduduwa, lakip na si Harrell ang  naapil sa panagbingkil dihang nagharong sila si Schroder ug Anunoby. Labaw ang Lakers, 34-20 atol sa kagubot.

JOEL EMBIID
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with