Lakers, Clippers mopasud na'g mga fans sa Staples Center
CEBU, Philippines — Sugod sa Abril 15 (petsa 16 sa Pilipinas), ang mga fans sa Los Angeles Lakers ug L.A. Clippers mahimo na nga masulod og balik sa Staples Centers sa unang higayon karon nga season human gipahibalo sa State of California ang ilang bag-ong guidelines alang sa indoor venues.
Gihingpit na sa Lakers ang ilang mga plano uban sa L.A. County Public Health ug sa mga opisyal sa Staples Center kabahin sa kaluwasan sa mga fans nga motan-aw sa home games sugod sa Abril 15 dihang ang Lakers mo-host sa Boston Celtics.
Mipahibalo sab ang Clippers nga mopasulod sila og pipila ka mga dumadapig sa ilang home game batok sa Minnesota Timberwolves sa Abril 18.
Ning bag-o lang, ang Lakers ug Clippers nakadawat og permiso gikan sa L.A. County Health Department pagpahibalo nga 50 lang ka mga dinapit ang makatan-aw sa mga duwa.
Ang Lakers (30-18) nahimutang sa ikaupat nga dapit sa Western Conference standing sunod sa Clippers (32-18).
- Latest