PBA commissioner tunolan og award isip "Mr. Executive"

CEBU, Philippines — Gumikan sa malampusong pagpahigayon sa PBA Philippine Cup bubble, si commissioner Willie Marcial pasidunggan isip "Mr. Executive" sa PBA Press Corps Award karong Domingo didto sa TV5 Media Center.

Ihatag ni Marcial ang dungog sa paghimo sa 2020 season nga posible taliwala sa Covid-19 pandemic diin nagmalampuson ang pagpahigayon sa PBA bubble didto sa Clark, Pampanga.

Si Marcial maoy nangulo sa kapin 500 ka mga delegado sa PBA bubble. Nisud siya sa bubble sa gidugayon nga duha ka bulan sa gipamub-an nga mga duwa. Usa siya sa mga major awardees sa usa ka oras nga kalihukan nga gipresentar sa Cignal TV ug ipasundayag sa PBA Rush sunod adlaw.

Ang Outstanding Coach of the Bubble nga ibutyag sa dili madugay maoy mokompleto sa lista sa mga awardees.