^

Harden mipaksit 'triple-double'

Yoyo R. Abayan (Banat) - March 5, 2021 - 12:00am

CEBU, Philippines — Mipaksit na sab og 'triple-double' si James Harden sa unang panag-abot sa kanhi niya koponan Houston Rockets.

Si Harden miayag og 29 puntos, 10 ka rebounds ug 14 ka assists sa 132-114 nga kadaogan sa Brooklyn Nets sa NBA kagahapon didto sa Toyota Center sa Houston, Texas.

Ang Nets mihimo og franchise record uban ang pito ka sunod-sunod nga kadaogan gawas sa ilang korte. Nihipos sila og 10 ka daog sa ilang katapusang 11 ka duwa. Si Harden miayag og 29 puntos, 10 ka rebounds ug 14 ka assists sa 132-114 nga kadaogan sa Brooklyn Nets sa NBA kagahapon didto sa Houston.

Ang Nets mihimo og franchise record uban ang pito ka sunod-sunod nga kadaogan gawas sa ilang korte. Nihipos sila og 10 ka daog sa ilang katapusang 11 ka duwa.   Ang daog sa Nets naghatag sab sa Rockets sa ika-13 niining sunod-sunod nga pilde.

Mao na kini ang labing taas nga pagkasaliring sa Rockets nga aduna na'y walo ka players niduwa tungod sa injuries, sukad sila nahagba 15 ka sunod-sunod nga higayon niadtong 2001.

Naglisud ang Rockets sukad si Harden gi-trade niadtong Enero 14 ug wala na makadaog gikan niadtong Pebrero 4.

Ang Rockets mipabuto og 10-0 nga bomba uban ang singko puntos gikan ni John Wall aron matipakan ang labaw ngadto na lang sa otso puntos sa nahabiling otso minutos sa fourth quarter. Apan ang Nets mipupo og otso puntos, apil na ang duha ka tres gikan ni Harden aron inaton og balik ang labaw ngadto sa 113-97 sa tunga-tungang bahin sa final period.

Kini ang ikawalo nga 'triple-double' ni Harden karon nga season ug iyang ikaduhang sunod-sunod human siya miiskor og 30 puntos, 14 ka rebounds ug 15 ka assists nga wala makahimo og turnover sa ilang kadaogan batok sa San Antonio Spurs niadtong Martes.   

Si Wall adunay season-high 36 puntos ug si Victor Oladipo mihimo sab og season-high nga 33 puntos.

Didto sa Philadelphia, si Joel Embiid miiskor og 40 uban ang 19 ka rebounds, samtang si Tobias Harris miposa og 11 sa iyang 22 puntos sa overtime alang sa No. 1 team sa Eastern Conference Philadelphia nga mipilde sa Utah Jazz nga mao sab ang nag-una sa Eastern Conference sa iskor  nga 131-123.

Si Ben Simmons midugang og 17 alang sa 76ers nga nagbitbit na og 24-12 nga baraha.   

JAMES HARDEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with