Canelo-Saunders unification fight sa Mayo 8
CEBU, Philippines — Duha ka bulan gikan karon, si Saul 'Canelo' Alvarez gikatakdang mokatkat og balik ibabaw sa ring.
Ang Mexican superstar nga si Alvarez lab-as pang nakadepensa sa iyang WBC ug WBA world super middleweight titles pinaagi sa pag-iskor og third-round technical knockout batok ni Avni Yildrim niadtong Domingo didto sa Hard Rock Stadium sa Miami Florida.
Si Alvarez (55-1-2, 37 KOs) moharong sunod ni WBO world super middleweight champion Billy Joe Saunders (30-0, 14KOs).
Magtigi sila alang sa WBC, WBA Super, WBO ug Ring Magazine world super middleweight unification fight karong Mayo 8 sa wala pa matino nga binyu.
“It's official! The unification is on! Canelo vs. Saunders for the WBC, WBA, WBO, and Ring Magazine World Championships May 8 live on DAZN,” pahibalo pa ni Matchroom Boxing boss Eddie Hearn pinaagi sa Twitter.
Sa iyang bahin, si Saunders usa ka two-division world champion padayong nagkupot sa WBO super middleweight belt sukad pa niadtong Mayo 2019.
- Latest