^
Bucks midaog sa Clippers

Bucks midaog sa Clippers

Yoyo R. Abayan (Banat) - March 2, 2021 - 12:00am

CEBU, Philippines — Ang Milwaukee Bucks pinangulohan ni Giannis Antetokounmpo milusad ug mainiton nga rally ug solidong depensa sa fourth quarter aron pagpukan sa Los Angeles  Clippers, 105-100 sa ilang duwa sa NBA kagahapon didto sa Fiserv Forum sa Milwaukee.

Mao na kini ang ikalimang sunod-sunod nga daog sa Bucks.

Ang two-time reigning NBA most valuable player nga si Antetokounmpo miburak og 36 puntos nga maoy iyang ikaupat ka sunod-sunod nga duwa diin siya miiskor og 36 o labaw pa.

Sa hugot nga depensa sa Bucks, ang Clippers wala makaiskor sa katapusang kuwatro minutos ug nidaog sa labing unang higayon sa 11 ka mga duwa karon nga season nga gibiyaan sila sa nag-unang tulo ka kuwarter.

Matabla unta ni Kawhi Leonard ang iskor, apan ang iyang 3-point attemp igo lang mihawok sa ring sa himalatyong segundos. Nakuha ni Khris Middleton ang rebound ug giselyohan ang daog pinaagi sa iyang duha ka free throws sa nahabiling 2.1 segundos.

Si Leonard maoy nangulo sa  Clippers uban ang 25 puntos ug siyam ka rebounds, samtang si Paul George miamot og 16 puntos sa pilderong koponan.

Sa lain pang mga resulta, ang Memphis Grizzlies mipahamtang sa Houston  Rockets sa ika-11 nga sunod-sunod nga pilde pinaagi sa paglubong, 133-84, ang Boston  Celtics nakaipsot sa Washington Wizards, 111-110, ang New York Knicks mipilde sa Detroit Pistons, 109-90.

Gipakaging sa Miami Heat ang Atlanta Hawks, 109-99 ug ang Phoenix Suns mipaksot sa Minnesota Timberwolves, 118-99.

MILWAUKEE BUCKS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with