LeBron adunay 19 puntos sa iyang 1,300 regular-season appearance
CEBU, Philippines — Mipaksit si LeBron James og 19 puntos sa iyang 1,300th regular-season appearance dihang ang Los Angeles Lakers mibuntog sa Golden State Warriors, 117-91 sa duwa nila sa NBA kagahapon didto sa Staples Center sa Los Angeles, California. Si James mao sab ang nangu sa unom ka Lakers players nga miiskor og double-digits.
Labaw og 20 puntos ang Lakers human sa first period ug nilawom pa ang lubong ngadto sa 73-44 sa halftime.
Nipakita sab og maayong labok si Kyle Kuzma nga miiskor og 12 puntos uban ang 11 ka rebounds alang sa iyang ikawalong double-double karon nga season, samtang sila si Markieff Morris ug Alex Caruso parehong mirehistro og season-high 13 puntos.
Si Eric Paschall miiskor og 18 puntos alang sa Warriors, kansang tulo ka sunod-sunod nga daog nabugto. Si Stephen Curry miambit og 16 puntos ang si Kelly Oubre Jr. miamot og 14 puntos.
- Latest