^

La Sugbo gymnasts misidlak sa Mexico online tournament

Yoyo R. Abayan (Banat) - February 27, 2021 - 12:00am

CEBU, Philippines — Misidlak ang Ritmik Jimnastiks La Sugbo sa gipahigayong Mexico online tournament. Ubos sa pagpangulo nilang Leanne Marie Manning ug Reyanne Corvera, ang La Sugbo ni coach Darlene de la Pisa  mikabkab og 14 gold, 17 silver ug tulo ka bronze medals sa Club Hevmo International Friendship Cup niadtong Pebrero 18-22.

Ang duha parehong mikolekta og tulo ka bulawang medalya. Si Manning nanghawod sa ball, clubs ug ribbon events ubos sa Junior Level 4 category, samtang si Corvera mihakot sab og tulo ka bulawan sa samang events sa Senior Level 4 division.

Sa laing bahin, si Jaiannah Margeaux Viros mihipos og duha ka bulawan sa freehand ug ball sa Pre Child class.

Lain pang nitunol og bulawan sa La Sugbo mao silang Mary Sofiel Nicart (rope, Child Level 3), Noem Drexel Krixie Guades (freehand, Pre Junior Level 4) ug Colynne Marie Aguilar (ball, Pre Junior Level 4), Leann Mae Lubang (clubs, Junior Level 4), Elisha Nicole Sorreno (ribbon, Junior Level 4) ug Hannah May Subreviga (clubs, Senior Level). Sila si Shanese Danielle Sorreno, Daniella Myrn de la Pisa, Dominique Rylen Labides, Verma Jean Nicole Ambid ug  Jholan Calope, nakatampo sab og medalya sa La Sugbo.

GYMNAST
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with