^
Jazz mihimo'g record
Donovan Mitchell

Jazz mihimo'g record

Yoyo R. Abayan (Banat) - February 24, 2021 - 12:00am

Mipatuasik og 28 ka tres pagpilde sa Hornets

CEBU, Philippines — Mitugtog og 23 puntos si Donovan Mitchell ug gipakapinan pa'g walo ka assists dihang ang Utah Jazz  mikulit og record-breaking performance gikan sa 3-point range sa ilang 132-110 nga kadaogan batok sa Charlotte Hornets kagahapon didto sa Vivint Smart Home Arena sa Salt Lake City, Utah.

Ang Jazz mihimo og marka sa prangkisa nga mipatuasik og 28 ka 3-pointers, apil na ang 19 niini gikan sa bench nga kinadaghanan nga nahimo sa backups sa usa sa team sa kasaysayan sa NBA.

Nangulo niini mao silang Joe Ingles ug Georges Niang nga mihimo og career-high pito ka tres matag usa. Pareho sab silang mikolekta og 21 puntos, samtang ang Fil-Am nga si Jordan Clarkson mihipos og 20 puntos.

Miburak sab og 21 puntos matag usa silang Gordon Hayward ug LaMelo Ball aron mangulo sa tanang scorers sa Hornets. Si Malik Monk mitampo og 20 puntos sa Hornets nga  nagtangkil og 14-16 nga baraha sa Eastern Conference standing.

Ang Utah Jazz nga nagkupot sa unang puwesto sa Western Conference uban ang 25-6 win-loss record, padayong miataki gikan sa perimeter atol sa nag-unang duha ka kuwarter. Mipasud sila og 29 ka 3-pointers sa pa ang halftime.

Ang Charlotte mirehistro sa ilang unang double-digit nga labaw sa sayong bahin sa third period dihan si P.J. Washington nakakawat og bola atol sa ilang 12-1 run nga naghatag sa Hornets og 81-70 nga bentaha. Apan gikalingawan kini og kitkit sa Jazz ug ilang nailog og balik ang labaw kortesiya sa back-to-back baskets nilang Clarkson ug Niang sa wala pa matapos ang third quarter.

Giabrihan sa Jazz ang fourth quarter pinaagi sa pagpatuasik og nga puntos sa lima ka sunod-sunod nga posisyon. Sagunson nga tres gikan ni Mike Conley ug Niang aron tulbokan ang ratsada ug hatagan ang Jazz og 111-92 nga labaw.

Sa laing mga resulta, napilde na sab ang defending champion Los Angeles sa ilang duwa batok sa Washington Wizards,124-127 sa overtime, ang Chicago Bulls misungag sa Houston Rockets, 120-100, ang Dallas Mavericks mipilde sa Memphis Grizzlies, 102-91, ang Miami Heat mibuntog sa Oklahoma  City Thunder ug gilat-an sa Phoenix Suns ang Portland TrailBlazers sa iskor nga 132-100.

DONOVAN MITCHELL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with