Beal miposa 35 puntos

Nangulo sa Wizards pagpukan sa Celtics

CEBU, Philippines — Ang NBA scoring leader nga si Bradley Beal mipupo og 35 puntos aron mokidlap ang Washington Wizards batok sa Boston Celtics, 104-91 sa NBA kagahapon didto sa Capital One Arena Washington, DC.

Si Beal adunay mipasud og 10 sa 18 ka itsa gikan sa field, miposa og upat sa siyam gikan sa 3-point range ug walay sipyat sa 11 niya ka itsa gikan sa free throw line. Ang Wizards mihimo sabt og season-best 54 ka rebounds.

Ang Japanese forward nga si Rui Hachimura  mitampo og 15 puntos, samtang si   Russell Westbrook miamot og13 puntos, 11 ka assists ug siyam ka rebounds sa Wizards nga pabiling nangiwit sa Eastern Conference standing uban ang 7-17 win-loss record.

Sila si Jaylen Brown ug Kemba Walker  parehong miiskor og 25 puntos aron pangulohang ang Celtics nga nalagpot sa ikalimang dapit sa Eastern Conference bitbit ang 13-13 nga baraha.

Demalas kaayo si Jayson Tatum ug igo lang nakapasud og tulo sa 14 niya ka itsa. Aduna lamang siya'y sayes puntos kagahapon.

Si Westbrook moharong sa iyang team kaniadto, ang Houston Rockets karong adlawa dihang ang kanhi Wizards star John Wall ugma didto sa Washington. Mitampo si Beal og siyete puntos sa 15-8 run sa Wizards pagsugod sa duwa ug niadtong higayona ang Celtics mipasud lang og duha sa siyam ka tira gikan sa field.

Si Beal nga walay sipyat sa unang lima niya ka itsa mihipos og 12 puntos sa first period ug ang Wizards labaw og siyete puntos paghuman sa maong kuwarter, 29-22. Miburot pa ang labaw sa Wizards ngadto sa 55-43 sa halftime.

Si Hachimura mitampo og sayes puntos sa 11-0 sa Wizards aron molansang og 77-53 nga bentaha sa tunga-tungang bahin sa third quarter.

Mibawos ang Celtics pinaagi sa ilang 11-1 nga rally, apan ang Wizards milusad sab og kaugalingon nilang 11-3 run aron morehistro og 89-67 nga bentaha human sa tulo ka kuwarter.

Giinat pa sa Wizards ang ilang labaw ngadto 101-76 ug ilang napanalipdan ang labaw paingon na ngadto sa kadaogan.