^

Lakers daog batok Thunder sa overtime

Yoyo R. Abayan (Banat) - February 10, 2021 - 12:00am

CEBU, Philippines — Niagi na sab og overtime ang Los Angeles Lakers una nila maangkon ang kutas nga kadaogan batok sa Oklahoma City Thunder, 119-112 sa NBA kagahapon didto sa Staples Center sa Los  Angeles, California.

Si LeBron James mikandos og 28 puntos, 14 ka rebounds ug 12 ka assists alang sa iyang ikatulong 'triple-double' karong nga season. Ikaduha kini nilang sunod-sunod nga daog sa overtime human nila gipilde ang Detroit Pistons sud sa duha ka overtime niadtong Biyernes.

Natupngan sa Lakers ang ilang labing taas nga sunod-sunod nga daog karon nga season bisan wala si Anthony Davis, kinsa gipalingkod tungod sa right Achilles tendinosis.

Gilubong ang Lakers og 11 puntos sa fourth period. Si James mikawat sa bola gikan ni Darius Bazley ug naka-iskor aron pagtabla sa duwa, 107-all. Kabahin kadto sa 8-0 run sa Lakers sa himalatyong segundos.  Anaa na unta sa baba sa kadaogan ang Lakers dihang labaw sila og tres puntos, 110-107 sa nahibiling 1.2 segundos sa regulasyon, apan si Shai Gilgeous-Alexander gi-foul gikan sa  iyang 3-point attempt ug mipasud sa tulo niya ka free throws nga nakapwersa sa duwa ngadto sa overtime.

Sa dugang singko minutos, kontrolado sa Lakers ang duwa hangtod nga naangkon ang ilang ikalimang sunod-sunod nga daog.

Si Montrezl Harrell mipuno og 21 puntos alang sa Lakers, samtang si Dennis Schroder midugang og 19 puntos. Si Wesley Matthews adunay 16 puntos, lakip ang upat ka  3-pointers ug si Kyle Kuzma  miabuno og 11 puntos ug 10 ka rebounds sa maong kadaogan 11 points and 10 rebounds sa Lakers nga nibalik sa ikaduhang dapit sa Western Conference standings uban ang 19-6 win-loss record.

Si Gilgeous-Alexander mikabkab og 29 puntos aron mangulo sa tanang scorers sa Thunder, samtang sila si Bazley ug Hamidou Diallo nag-amotay og 21 ug 20 puntos sa usa kanila sa pilderong koponan.

LOS ANGELES LAKERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with