^
Lakers nasagunsonan

Lakers nasagunsonan

Yoyo R. Abayan (Banat) - January 30, 2021 - 12:00am

CEBU, Philippines — Nasagunsohan og duha ka pilde ang Los Angeles Lakers human miyukbo ngadto sa Detroit Pistons, 107-92 sa NBA kagahapon didto sa Little Caesars Arena sa Detroit, Michigan.

Si Blake Griffin misansan og 23 puntos alang sa Pistons nga nakabentaha sa pagkapalta ni Anthony Davis.

Wala makaduwa si Davis tungod sa right quad contusion nga iyang naangkon atol sa ilang 106-107 nga kapildihan ngadto sa Philadelphia 76ers sa miaging adlaw.

Si LeBron James mipabuto og 22 points uban ang 10 ka assists, apan dos puntos ra ang iyang nahimo sa second half nga usa sa mga hinungdan sa kapildihan sa Lakers.

Mitampo og 20 puntos si Wayne Ellington alang sa Pistons nga labaw lang og usa ka lugas sa wala pa matusak ang 3-pointer ni Griffin sa nahibiling 6:54 nga maoy pabilo sa ilang 16-0 nga rally.  Si Mason Plumlee mitampo'g 17 puntos ug 10 ka rebounds sa maong kadaogan.

Dili maayo ang duwa ni James kay gihasol kini sa iyang ankle sprain, apan nakahimo siya pagpasud sa iyang pito ka mga itsa gikan sa field ug miiskor og 20 puntos sa first half.

Sa laing aksiyon, si Victor Oladipo miposa og 25 puntos ug ang Houston Rockets mipakurat sa Portland TrailBlazers, 104-101.

Lubong og 20 puntos ang Rockets sa first period sa wala pa molusad nga mainitong rally aron ilogon ang labaw dayon na sa pagkulit sa ilang ikaupat nga sunod-sunod nga daog.

Midaog sab ang LA Clippers batok sa Miami Heat sa iskor nga 109-105. 

LOS ANGELES LAKERS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with