^
Pacquiao molantaw sa ubang opsiyon
Manny Pacquiao

Pacquiao molantaw sa ubang opsiyon

Emmanuel B. Villaruel (Banat) - January 26, 2021 - 12:00am

CEBU, Philippines — Si Pinoy ring star Manny Pacquiao lagmit molantaw sa ubang opsiyon alang sa sunod niyang away karon nga daw madiskaril ang gipasiatab nilang sangka ni Conor McGregor human ang Irish UFC star nakatilaw og makapakurat nga kapildihan sa mga kamot ni Dustin Poirier duha ka adlaw pa ang milabay.

 Sa makapakugang nga resulta nga wala damha sa kinabag-an, gi-knockout ni Poirier si McGregor sa ikaduhang hugna sa ilang lightweight match nga maoy main event sa UFC 257 "Fight Island" card niadtong Domingo didto sa Abu Dhabi.

Bisan tuod og bukas pa gihapon sa McGregor nga makigharong ni Pacquiao, ang mapait niyang kaparotan nagbutang og dakong pangutana sa potensiyal niyang engkuwentro uban sa eight-division world champion.

Taliwala sa kapakyasan ni McGregor, si Pacquiao modiskarte og usab kon unsay labing maayo alang kaniya sa iya unyang pagbalik og away.

Usa sa nag-unang opsiyon ni Pacquiao, ang kasamtangan WBA welterweight champion, mao ang usa ka three-belt unification bout uban sa wa'y pildeng IBF ug WBC welterweight champion nga si Errol Spence Jr.

Dili lisud ang paghulma sa maong bugno gumikan kay sila si Pacquiao ug Spence pareho mang konektado sa Premier Boxing Champions (PBC). Dugay na sab mipadayag si Spence sa iyang interes nga makigbinukbukay ni Pacquiao.

Nag-una man tuod si Spence sa listahan, apan ang 42-anyos nga si Pacquiao (62-7-2, 39KOs) posibleng makigharong sunod sa wa'y pildeng WBC interim lightweight champion nga si Ryan Garcia (21-0, 18KOs) nga  manghod niya og 20 ka tuig.

Segun sa taho ni Mike Coppinger sa The Athletic, ang kampo nilang Pacquiao ug Garcia nagsugod na karon sa ilang negosasyon bisan og managlahi ang weight division sa duha ka boksidor.

Gawas nilang Spence ug Garcia, ang wa'y pildeng WBO 147-pound champion nga si Terence Crawford anaa sab sa listahan sa mga posibleng makontra ni Pacquiao sa pagkatkat niining og balik sa ring.

MANNY PACQUIAO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with