Pinay tennis player nidaug sa unang ITF pro title

CEBU, Philippines — Wala magpadala sa nerbiyos si Filipina tennis player Alex Eala pagsugod aron mabihag ang pambato sa Espanya nga si Yvonne Cavalle-Reimers, 5-7, 6-1, 6-2 ug ingon man madaug ang iyang unang professional title sa  W15ITF Manacor Tournament niadtong Domingo sa Mallorca, Spain.

Sa maong daug, si Eala  mipauli bitbit ang $15,000 nga ganting salapi.

Si Cavalle-Reimers nidaug sa first set, apan ang 15-anyos nga si Eala, kinsa maoy kinabataan nga niapil sa International Tennis Federation  (ITF) tournament nakabawi sa second ug third sets aron pagpukan sa iyang kontra nga maguwang niya og 13 ka tuig.

Sa wala pa ang finals, si Eala mipalagpot ni Adithya Karunaratne sa Hong Kong sa ilang semifinal match ug ni Frenchwoman Carole Monnet  sa quarterfinals. 

Sa miaging tuig, si Eala nidaug og juniors doubles title sa Australian Open uban sa Indonesian partner nga si Priska Madelyn Nugroho.

Naabot sab siya sa semifinals sa French Open girls' tournament.