Cyrus Baguio miretiro human sa 17 ka tuig sa iyang PBA career

CEBU, Philippines — Hingpit na nga miretiro sa Cyrus 'Skyrus' Baguio human sa mabulukon nga 17 ka tuig sa iyang karera sa PBA. Nakab-ot sa  ni Baguio ang desisyon pagkahuman sa Philippine Cup bubble didto sa Clark, Pampanga sa miaging tuig.   

Ang NLEX management ug dugay na kaayo niyang representante nga si Danny Espiritu nikompirmar sa pagretiro sa 40-anyos nga si Baguio.

Sa 17 ka tuig sa iyang karera, si Baguio nga gibira isip second round sa 2003 draft sa Red Bull nidaog og tulo ka kampiyonato. Una  korona nadaog ni Baguio nidtong 2005-2006 Commissioner's Cup.

Human gi-trade sa Red Bull, si Baguio niduwa kadiyot sa Burger King ug Barangay Ginebra sa wala pa malandig sa Alaska sa one-on-one trade uban sa Kings alang ni two-time MVP Willie Miller.

Nilambo si Baguio uban sa prangkisa diin siya nidaog og duha ka kampiyonato uban ni coach Tim Cone (2010 Fiesta Cup) ug Luigi Trillo (2013 Commissioner's Cup). Atol sa Fiesta Cup, si Baguio nahimong co-Finals MVP sa PBA Press Corp uban ni LA Tenorio.

Human sa unom ka seasons uban sa Aces, gilabay siya ngadto sa Phoenix ug niduwa'g usa ka tuig uban sa team sa wala pa siya nakig-uban og balik ni coach Yeng Guiao sa NLEX nga nikuha kaniya niadtong 2017 sa usa ka three-team trade nga naglakip sa NorthPort.

Sa iyang 17 ka tuig sa PBA, si Baguio kaduha naapil sa Mythical Second team, napili isip 2008 Most Improved Player, 2010 Samboy Lim  Sportmanship awardee, kampiyon sa 2004 slam dunk contest ug 11 ka higayon nga naapil sa All-Star.  Sa pagka karon, si Baguio budlay nag-atiman sa iyang  negosyo sa poultry didto sa Pampanga.