Pinay tennis player miabante finals sa ITF W15 Manacor
CEBU, Philippines — Walay nakapugong sa pagratsada ni Filipina tennis player Alex Eala sa iyang unang professional tournament.
Si Eala padayong mihakot og daog aron makaangkon og pasaporte sa finals sa International Tennis Federation's W15 Manacor, human gipilde si Adithya Karunaratne sa Hong Kong, 6-3, 6-4. Ang batan-ong si Eala nakasugakod sa gahob nga sugod sa first set sa iyang pakigsangka batok sa 19-anyos nga si Karunaratne.
Si Karunaratne ranked No. 785 sa Singles, samtang si Eala, kinsa nahimong pro niadtong miaging tuig anaa sa No. 1,651.
Sa wala pa moabante sa finals, ang 15-anyos nga si Eala mipukan ni Seone Mendez sa Australia sa quarterfinals ug naka-eskapo batok sa 21-anyos French player nga si Carole Monnet sa semifinals.
Sunod sangkaon ni Eala mao ang 28-anyos nga si Yvonne Cavalle-Reimers sa championship round.
- Latest
