^

Lakers giwaswasan ang Bulls

Yoyo R. Abayan (Banat) - January 25, 2021 - 12:00am

CEBU, Philippines — Mipaksit og season-high 37 puntos si Anthony Davis alang Los Angeles Lakers nga miihaw sa Chicago Bulls, 101-90 sa NBA kagahapon didto sa United Center sa Chicago, Illinois.

Si LeBron James mikandos og 17 puntos ug milangkat og 11 ka rebounds sa Lakers nga padayong nag-una sa Western Conference standing. Ang defending NBA champions aduna na'y 9-0 sa ilang road games ug  usa nga adunay labing nindot nga rekord sa liga uban ang 13-4 win-loss record.

Ang seven-time All-Star nga si Davis mipasud og 14 sa 21 ka itsa, milansang og duha ka 3-pointers ug milangkat og unom ka rebounds. Si Zach LavVine maoy topscorer sa Bulls nga mikabkab og 21 puntos ug milangkat og 10 ka rebounds, samtang si Cobe White miamot og 14 puntos ug pito ka rebounds.

Ang Bulls midaog sa tulo ka sunod-sunod nga duwa ug ilang natugbangan ang franchise record pinaagi sa pag-iskor og 115 o labaw pa sa pito ka sagundong duwa, apan batok sa Lakers nakasinati kini og tumang kalisod ug wala mahitsura ang duwa.

Ang Bulls milusad og 14-2 run sa hinapos nga bahin sa third quarter aron makan-an ang labaw, 79-66. Apan ang back-to-back baskets ni Davis naghatag sa Lakers og 17 puntos nga labaw  paingon sa final period. Ang Lakers manulong sa Cleveland Cavaliers alang sa  ikapito nilang duwa gawas sa ilang korte, samtang ang Bulls mo-host sa Boston Celtics nilang Jaylen Brown ug Jayson Tatum.

LOS ANGELES LAKERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with