^

Cavs mikunis-kunis na sab sa Nets

Yoyo R. Abayan (Banat) - January 24, 2021 - 12:00am

CEBU, Philippines — Gipahamtangan na sab sa Cleveland Cavaliers ang Brooklyn Nets og lain nga kapildihan sa duwa nila sa NBA kagahapon didto sa Cleveland. Mipakita na sab maayong salida si Collin Sexton aron subling mangulo sa opensa sa Cavs pinaagi sa iyang 25 puntos uban ang siyam ka rebounds.

Si Andre Drummond miambit og 19 puntos ug milangkat og 16 ka rebounds alang sa Cavs nga mipilde sa Nets sa ikaduhang higayon sud lang sa tulo ka adlaw.

Ang Nets niduwa nga wala ang usa sa ilang superstar nga si Kevin Durant, kinsa gipapaway isip usa ka precautionary measure sa iyang pagbalik gikan sa Archilles tendon surgery.

Si Kyrie Irving mipabuto og 38 puntos ug si James Harden mikablit lang 19 puntos uban ang 11 ka assists alang sa Nets nga unang nakatilaw og 147-135 nga kapildihan sud sa duha ka overtime ngadto sa Cavs niadtong Huwebes. Si Durant miburak og 38 puntos sa maong duwa ug niduwa sud sa 50 minutos hinungdan nga gipapahuway siya pangandam sa ilang pag-host sa Miami Heat karong adlawa.

Si Jarrett Allen nga gikuha gikan sa Nets bugti ni Harden atol sa blockbuster trade nga nalambigit og upat ka teams, miamot og 19 puntos ug unom ka rebounds gikan sa bench, samtang si Larry Nance Jr. mitampo'g 15 puntos sa Cavs nga nidaog sa ikatulong sunod-sunod nga higayon. Mitusak og back-to-back baskets si Irving pagsugod sa third period nga naghatag sa Nets og 64-61 nga bentaha sa wala pa ang Cavaliers milusad og 28-11 run aron sakmiton ang labaw.  Ang Cavs milansang sa kinadak-an nilang labaw ngadto sa 16 puntos sa fourth quarter.

Sa laing mga duwa, ang Philadelphia 76ers midaog sa Miami Heat, 125-108, ang Toronto Raptors mipukan sa Charlotte Hornets, 111-108, ang Houston Rockets mipakaging sa San Antonio Spurs.

Ang Indiana Pacers milubong sa Portland TrailBlazers, 111,87, ang Denver Nuggets mipukan sa Golden State Warriors, 114-104 ug ang Philadelphia 76ers midaog batok sa Boston Celtics sa iskor nga 122-110.

CLEVELAND NETS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with