Kai Sotto moduwa sa Gilas Pilipinas sa FIBA qualifiers sa Clark bubble
CEBU, Philippines — Naghinam-hinam na si Kai Sotto nga moduwa uban sa Gilas Pilipinas alang sa third window sa 2021 FIBA Asia Qualifiers. Mao kini ang gipahibalo ni Sotto pinaagi sa iyang Instagram account nga nag-ingon nga moduwa siya sa nasudnong koponan karong Pebrero didto sa Clark bubble sa Pampanga.
"I'm heading home soon. Sobrang excited ako na binigyan ng opportunity para makapaglaro sa Gilas ngayong February window. Nagpapasalamat ako sa lahat ng sumusuporta at naniniwala sa along pangarap na makapaglaro para sa bayan at sa tamang panahon, sa NBA," matud pa ni Sotto. Ang pag-entra ni Sotto motimaan sa iyang unang duwa sa seniors team human sa daghang mga katuigan nga pagduwa uban sa national youth team sud na sa tunga sa dekada.
Sa gitas-on nga 7-foot-2, si Sotto dako sab og ikatabang sa Gilas pool uban sa mga cadets sama nilang Justine Baltazar, Isaac Go ug William Navarro, ingon man sa PBA reinforcements nga silang Troy Rosario, Justin Chua ug Raul Soyud. Ang Gilas moharong sa South Korea sa Pebrero 18, Indonesia sa Pebrero 20 ug moharong napod batok sa Korea sa Pebrero 22.
- Latest
