Matud ni Tiukinhoy 'wait and see' pa sitwasyon sa CESAFI 2021 season
CEBU, Philippines — Buot man tuod nila nga hatagan ang mga estudyanteng atleta og kalihukan sa paugnat sa kusog nga napakgang sud sa pipila na ka mga bulan tungod sa kalibutanong pandemiya, si Cebu Schools Athletic Foundation, Inc. (CESAFI) commissioner Felix 'Boy' O. Tiukinhoy Jr. miingon nga wala pa'y kasiguroan ang tanan sa pagka karon kon may mahitabo bang 2021 season sa liga.
Niadtong Mayo sa miaging tuig, gikanselar sa CESAFI ang tibuok niining 2020 season gumikan sa makuyaw nga hulga nga gidala sa Covid-19.
Sa pagsud sa bag-ong tuig, ang CESAFI nag-atubang og dakong pangutana kon unsay mahitabo sa liga karong tuiga.
Aron sugdan ang tanan, si Tiukinhoy mipasiugda og usa ka virtual consultative meeting niadtong Martes sa hapon nga gitambongan sa tanang 11 ka athletic directors sa mga sakop nga tunghaan sa CESAFI.
"Actually, it's some sort of 'kumustahan' because we haven't seen each other since March last year," paambit pa ni Tiukinhoy. "Along the way, they bring out their ideas. What will be our plans for this year and what they think about it."
Apil sa ilang nahisgutan mao ang kabahin sa CESAFI 2021 season.
Miangkon si Tiukinhoy nga 'wait and see' pa ang ilang sitwasyon sa pagka karon gumikan kay wala pa'y nahibawo kon unsay mahitabo sa umaabot bisan og ang bakuna batok sa Covid-19 nahimo na ug gani nabaligya na ang uban sa kabibutanong merkado.
"We really don't know what's going to happen especially if we consider all factors involved," sumala pa ni Tiukinhoy. "But we have to keep an open mind because we usually open our regular season in August yet. We have to consult back the schools. As of now, it's a wait and see situation for us."
- Latest
