^

Rockets mipakurat sa Spurs

Yoyo R. Abayan (Banat) - January 16, 2021 - 12:00am

CEBU, Philippines — Sa wala damha, ang biniyaan nga Houston Rockets nidaog sa ilang pagpanulong sa San Antonio Spurs, 109-105 sa NBA kagahapon didto sa AT&T Center sa San Antonio, Texas.

Si Christian Wood miburak og 27 puntos ug milangkat og 15 ka rebounds aron motimon sa Rockets.

Mao kini ang unang duwa sa Rockets sukad nibiya kanila  ang star guard nga si James Harden, kinsa mitapon sa Brooklyn Nets nga kabahin sa blockbuster dea.

Labaw ang Spurs, 99-90 sa hook shot ni LaMarcus Aldridge sa nahibiling 4:39 sa duwa, apan ang Rockets mibawos pinaagi sa 3-pointers nilang Wood ug Sterling Brown, dayon nagtabla ang duwa, 101-all sa laing tres ni Wood sa katapusang 2:47 sa aksiyon.

Human makahimo og turnover ang Spurs, si Wood mipasud sa iyang free throws aron hatagan ang Rockets og 103-101 nga bentaha. Napun-an pa ang labaw sa Rockets ngadto sa kuwatro puntos, 105-101 kortesiya sa lay-up ni Brown sa nahibiling 1:46 sa duwa. Ang duha ka free throws ni PJ Tucker maoy miselyo sa kadaogan sa Rockets

Si Brown miiskor og 23 puntos, samtang si Tucker adunay 10 puntos sa Rockets. Ang Rockets niduwa nga wala silang John Wall ug Eric Gordon nga parehong adunay injury sa tiil. Wala sab si Danuel House Jr. tungod sa Covid-19 protocols.

Si Keldon Johnson mitala og career-high 29 puntos aron pangulohan ang Spurs.

Sa laing mga aksiyon, ang Philadelphia 76ers midaog pinaagi sa paglubong sa Miami Heat, 125-108, ang Toronto Raptors mipilde sa Charlotte Hornets, 111-108, gilubong sa Indiana Pacers ang Portland TrailBlazers 111-87 ug ang Denver Nuggets mipukan sa Golden State Warriors sa iskor nga 114-104.

HOUSTON ROCKETS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with