PBA makabalik na praktis sa gyms

CEBU, Philippines — Mahimo nang makabalik sa mga gym ug sugdan ang pagpahigayon og walay samok nga ensayo karong Lunes samtang naghuwat sa inspeksiyon sa ilang training venues ug clearance gikan sa local government units (LGUs).

Si  PBA Commissioner Willie Marcial miingon nga ang liga nakadawat og positibo nga tubag gikan sa Games and Amusements Board (GAB) sa ilang hangyo nga mopahigayon og physical conditioning sessions.

Sumala pa ni Marcial, ang regulatory body for professional sports mihatag og dugang duha ka kondisyon alang sa praktis alang sa giplanong Season 46 nga sugdan karong Abril 9.

“One, kailangan nila makita yung facilities and two, kailangang makakuha ng LGU permit (They need to see and approve the facilities and teams must also secure a permit from the LGU where they are training),” matud ni Marcial. Iyang gipasabot nga ang mga teams nisunod sa health and safety protocols nga gi-implementar sa miaging tuig dihang nibalik sila sa training human sa lockdown tungod sa coronavirus.