CEBU, Philippines — Ang pag-abot ni James Harden sa Brooklyn Nets makatabang sa hagit sa koponan sa mas taas nga lebel sa NBA. Ang presensiya ni Harden sa Brooklyn uban nilang Kevin Durant ug Kyrie Irving maghatag sa Eastern Conference og potensiyal superteam paghagit sa dominante nga Milwaukee Bucks.
"Adding an All-NBA player such as James to our roster better positions our team to compete against the league's best," saysay pa ni Brooklyn general manager Sean Marks. "James is one of the most prolific scorers and playmakers in our game, and we are thrilled to bring his special talents to Brooklyn."
Sa gikataho, ang Rockets nakadawat ni guard Victor Oladipo gikan sa Indiana Pacers, guard Dante Exum gikan sa Cleveland Cavaliers, forward Rodions Kurucs sa Nets ug tulo ka first-round draft picks gikan sa Nets, usa ka unprotected 2022 first-round pick gikan sa Cleveland Cavaliers (via Milwaukee Bucks) ug ang katungod nga mobaylo sa upat ka first-round sa Nets.
Ang guard nga si Caris LeVert ug usa ka second-round pick mapunta gikan sa Nets ngadto sa Pacers ug center Jarrett Allen ug forward Taurean Prince mobiya gikan sa Nets ngadto sa Cavaliers diin ang Cleveland mopadala sa 2024 second-round pick ngadto sa Nets.
Nahitabo ang binayloay usa ka adlaw human si Harden nagbagulbol ug mibuhi og makapungot nga komento mahitungod sa Rockets.
Si Harden nga maoy NBA Most Valuable Player niadtong 2018, nahimong All-Star sud sa walo ka sunod-sunod nga seasons sukad niadtong 2013. Siya sab ang topscorer sa liga gikan sa 2018 hangtod sa 2020 ug mirehistro'g 25.2 puntos gikan sa 841 ka duwa sa regular season sa 12 ka tuig.