^
Harden napunta sa Nets
James Harden

Harden napunta sa Nets

Yoyo R. Abayan (Banat) - January 15, 2021 - 12:00am

CEBU, Philippines — Natuman ang pangandoy ni James Harden nga makig-uban og balik ni Kevin Durant sa usa ka koponan human ang Houston Rockets mi-trade  kaniya ngadto sa Brooklyn Nets  sa usa ka blockbuster deal.

Ang trade nahitabo usa ka adlaw human nadiskuntento si Harden ug nagbagutbot human sa ilang 117-100 nga kapildihan ngadto sa Los Angeles Lakers.

Gumikan niini, si Harden giprangkahan nga dili na sa pag-apil sa praktis kagahapon tungod sa iyang makapungot nga mga komento mahitungod sa Rockets.

Sa gikataho, ang Rockets nakadawat ni guard Victor Oladipo gikan sa Indiana Pacers, guard Dante Exum gikan sa Cleveland Cavaliers, forward Rodions Kurucs sa Nets ug tulo ka first-round draft picks gikan sa Nets, usa ka unprotected 2022 first-round pick gikan sa Cleveland Cavaliers (via Milwaukee Bucks) ug ang katungod nga mobaylo sa upat ka first-round sa Nets.

Ang guard nga si Caris LeVert ug usa ka second-round pick mapunta gikan sa Nets ngadto sa Pacers ug center Jarrett Allen ug forward Taurean Prince mobiya gikan sa Nets ngadto sa Cavaliers diin ang Cleveland mopadala sa 2024 second-round pick ngadto sa Nets.

Sila si Harden ug Durant nag-uban kaniadto sa Oklahoma City Thunder. Nag-uban sila sud sa tulo ka seasons sa wala si Harden gibaylo ngadto sa Rockets niadtong 2013.

Ang three-time scoring champion nga si Harden naguol sa Rockets sukad sa pagbiya ni coach Mike D'Antoni ug general manager Daryl Morey paghuman sa miaging season.

Si Harden, 31-anyos, nangulo sa NBA scoring sa miaging tulo ka seasons uban ang average nga 30.4, 36.1 ug 34.3.

JAMES HARDEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with