Morris, Cousins gipamulta sa NBA

CEBU, Philippines — Gipamulta sa NBA si Markieff Morris sa Los Angeles Lakers ug DeMarcus Cousins sa Houston Rockets human magkabingkil atol sa ilang duwa niadtong Lunes didto sa Toyota Center sa Houston, Texas.

Sila si Morris ug Cousins gipamulta og $35,000, samtang $10,000 ang kang Cousins dihang nagsumpaki sila atol sa first quarter sa 120-102 nga kadaogan sa Lakers.

Nagsugod ang away dihang gisuntok ni Morris ang forward sa Rockets nga si Jae'Sean Tate ug gitawagan og flagrant foul.

Mibawos si Cousins pinaagi sa paghandos ni Morris ngadto sa sawog hinungdan nga ang 30-anyos gitawgan og technical foul. 

Si Morris nga sige'g bagulbol samtang nilakaw tabok sa korte gipitohan og technical foul ug na-ejected. Gipalayas sab sa korte si Cousins human tawagi og flagrant foul batok ni LeBron James.

Si Cousins, kinsa nipirma og kontrata sa Houston sa miaging bulan, niuban sa Lakers niadtong 2019, apan nakaangkon og knee injury sa off-season ug wala kaduwa sa miaging tuig dihang nakampiyon ang Lakers. Gibuhian siya sa Lakers niadtong Pebrero bugti ni Morris, kinsa mag-average og 3.8 puntos matag duwa.