Rockets nahagsa na sab sa Lakers
CEBU, Philippines — Gipahagsa na sab sa Los Angeles Lakers ang Houston Rockets, 117-100 sa ilang duwa sa NBA kagahapon didto sa Toyota Center sa Houston, Texas.
Si LeBron James mibagnos og 26 puntos sud sa tulo ka kuwarter, samtang si Anthony Davis miamot og 19 puntos ug 10 ka rebounds aron tabangan ang Lakers pagpaulbo sa Rockets sa ikaduhang sunod-sunod nga higayon human sa ilang 120-102 nga kadaogan niadtong Lunes.
Ang Lakers labaw og 20 puntos sa halos tibuok duwa diin bugnaw kaayo si James Harden, kinsa mipasud og lima sa 16 ka itsa ug gilupig sab ang Rockets sa rebounding, 55-42.
Sa laing mga aksiyon, ang Philadelphia 76ers midaog gyud batok sa Miami Heat, 137-134, ang Brooklyn Nets mipukan sa Denver Nuggets, 122-116, ang Utah Jazz milubong sa Cleveland Cavaliers ug ang San Antonio Spurs mipaluhod sa Oklahoma City Thunder, 112-102.
- Latest